[土炮系列] 作為香港人，下下剩係去撐外國野，咁唔撐本土野點得呀！日日食晏，唔係快餐就個人大碟，普通茶記都玩走你5/60蚊，仲可能食到成肚氣，何苦呢？
話說灣仔道一帶有間叫美味廚既餐廳，晚市火鍋湯底好搞鬼果間呢！原來晏晝都得得地咖喎！(講明先啊！唔係因為個名我先覺得佢OK咖！話晒我都唔係一個膚淺嘅人！ ）
一坐底，就有碗老火湯！（至少我唔覺佢有味精囉！ ）叫餸個餐牌成十幾頁，如果你有選擇恐懼真係夠哂大獲呀！唔怕，我地介紹幾款俾你啦！
中式燴牛尾:
老老實實，舊牛尾係好大件，不過係骨大囉！肉都唔算小既！佢既配菜(姐係洋蔥果d呢)，真係多到不得了！不過件牛尾好淋又入味，都真係值得叫既！特別係個汁，要黎撈飯真係無得輸！
粉皮豉油雞
粉皮雞D雞係滑咖！雞味都算有既! (你知啦，雞無雞味已經係好平常既事黎咖嘛！)個汁係偏甜既，我的最愛呀！ 個粉皮簡直係神來之筆！吸哂個汁！無得頂呀！
椒鹽鮮魷
真係唔係講笑，呢個簡直係上佳之作! 炸粉又唔會太厚！炸出黎個感覺好脆好香! 係熱氣咖！但又唔係叫你日日食，又乜所謂喎
佢一個餸大約由$5x起跳，到$1xx都有！不過絕對算抵食！好似跟上面咁叫, 大約係$250，都算抵喇掛！
美味廚
灣仔灣仔道165至171號樂基中心5樓
Search